Via Tokyo (已結業)

準備食晚飯，行過via Tokyo，見到有好多期間限定嘅雪糕產品，已決定食過晚飯後，一定要來會一會。八點半，成間鋪頭得一台客，無人招呼下自己坐低左，店內有四名員工，只曾作眼神交流，坐低數分鐘後，都仲未比餐牌我哋，除咗見到佢哋響度各自講笑傾計，我冇見到佢哋忙啲乜👎🏾都我忍耐不住舉手叫夥計，仲叫我等等先攞個餐牌嚟👎🏾👎🏾銅鑼灣點去得多，尖沙咀呢間第一次來，選擇好似係多啲，咁當然全部都圍繞着雪糕啦。不過佢有吸引我嘅hojicha味雪糕，幾經考慮，調左去三色雪糕，同埋一杯hojicha latte🍵先講杯三色雪糕，除咗雪糕外，一邊亦有紅豆同白玉😍如果三色當然就係佢哋出名嘅：北海道牛奶味，綠茶味，同埋hojicha味。叫得呢款，預咗雪糕份量會少啲，但有可以是齊咁多款嘅味道👍🏾北海道牛奶味就一般啦，而綠茶味和hojicha味就絕對above average，但又未至於最最最好味😏最有驚喜卻是杯hojicha latte，我敢講，係我飲過最好味嘅「利申：重未去京都試過」茶味夠香，而又唔會有苦澀味，誠意推介👍🏾👍🏾👍🏾不過佢哋嘅服務真係要改善下回頭指數：「5/5」