茶之環 (已結業)

見到茶之環係尖沙咀開左, 我已經好想去買一條黎試下，礙於工作及生活都係港島，真係好少有動力過海。星期六一早起身都諗住去買，上黎再check一下， 咦唔係喎， 原來香港島City Super已經有左counter，立刻諗下出黎銅鑼灣食個lunch，順手買返條先~唔甜既蛋糕，綠茶既食物都係我既至愛，更何況呢個蛋糕既綠茶係超高劑量，買左返屋企就算係食左飯都覺得應該打開黎細心欣賞。一條卷蛋，又唔係大條，要成HK$150真係唔平，有人講明一個人可以食晒一條添，仲貴過食晏! 打開一睇，蛋糕濕潤，大量既忌廉係中間，切落蛋糕輕身柔軟，完全係一件靚蛋糕應有既質感。蛋糕同忌廉都唔甜，仲有苦澀味，唔係落咁多綠茶粉係絕對做唔到既~成件食落都唔覺得膩，真係想食多件!好開心香港終於有得食，但係亦都驚食唔停口!