源記甜品專家 (已結業)

唔係話舊嘅嘢就唔好，其實舊嘢仍屹立至今，必定有其過人之處.源記嚮呢度已經歷咗幾代人。至今每到夜晚門外都泊滿靚車，吸引不少慕名而來嘅人光顧。我每次去到那裡都會叫桑寄生蓮子茶。桑寄生茶好清香潤喉，少少甜，啱哂唔係太好甜嘅我。啲茶暖暖地，飲咗落去好舒服。每當我陰陽失調，消化不良嘅時候，我都會嚟飲番碗，據聞可以生津止渴,健脾益胃喎。一碗十幾蚊，話貴又唔貴。姑勿論價錢如何，經驗一點一滴累積成嘅桑寄生茶又豈能錯過。