影片
更多
2010-04-20
11 浏览
又係我dr. who，唔知係我唔好彩定係咁啱，呢兩日都係有衰嘢同大家分享。就係呢間位於赤柱嘅Roacksalt，星期六我同我男友仲有佢喺英國嚟嘅上司一齊去赤柱，我地其實都唔知去邊間，點知佢地一齊都話不如呢間拉，其實邊間都冇所謂，最緊要有嘢食因為嗰一刻我個肚已經奏出巴赫嘅交響曲。我地點咗幾個菜:-頭盤:- Tuna Sashimi (我男友) - 可能個sauce唔啱佢胃口拉所以佢唔係咁鍾意，不過我覺得雖然怪怪地但係都幾特別。Blue cheese salad (佢上司) - 佢話好好食，我見佢一條菜都冇留底，生蠔3隻(我叫嘅) - 隻蠔仲細過我隻手指公囉，咁就$88 ， 都唔緊要，不過真係好細隻呀!!!!!主菜:-Cod fillet $178 (我男友) - 一上菜隻碟凍冰冰，主菜只係暖暖地一啲都唔熱。我本來叫咗個Chilli mud crab辣椒炒蟹 $328 ，但係佢話冇mud crab所以我叫咗個Rocksalt seafood bouillabaisse $258 (佢話呢個main dish嘅蟹就有) ，所以我同佢上司一人叫咗一個。佢地嘅setting 仲好pro添，有蟹
就係呢間位於赤柱嘅Roacksalt，星期六我同我男友仲有佢喺英國嚟嘅上司一齊去赤柱，我地其實都唔知去邊間，點知佢地一齊都話不如呢間拉，其實邊間都冇所謂，最緊要有嘢食因為嗰一刻我個肚已經奏出巴赫嘅交響曲。
我地點咗幾個菜:-
頭盤:-
Tuna Sashimi (我男友) - 可能個sauce唔啱佢胃口拉所以佢唔係咁鍾意，不過我覺得雖然怪怪地但係都幾特別。
Blue cheese salad (佢上司) - 佢話好好食，我見佢一條菜都冇留底，
生蠔3隻(我叫嘅) - 隻蠔仲細過我隻手指公囉，咁就$88 ， 都唔緊要，不過真係好細隻呀!!!!!
主菜:-
Cod fillet $178 (我男友) - 一上菜隻碟凍冰冰，主菜只係暖暖地一啲都唔熱。
我本來叫咗個Chilli mud crab辣椒炒蟹 $328 ，但係佢話冇mud crab所以我叫咗個Rocksalt seafood bouillabaisse $258 (佢話呢個main dish嘅蟹就有) ，所以我同佢上司一人叫咗一個。佢地嘅setting 仲好pro添，有蟹鉗嗰個鉗同嗰個幼叉，點知... 一上菜我見倒唔係好對路我就即刻叫停然後問題就開始發生.... 個server 之前話有Rocksalt seafood bouillabaisse會有蟹點知一到係變咗蝦!!! 仲有一睇就知唔熱好似整咗好耐咁，個賣相好似一堆死咗好耐嘅海鮮放喺煲水度'拾'咗，個湯好似啲'拾'菜水咁。
我問個中國人隻蟹去咗邊，佢話今日冇蟹，但係點解個尼泊爾仔之前話有嘅? 我地仲有食蟹嘅餐具，佢答我唔倒跟住個鬼佬經理過嚟問我地咩事，我地一五一十咁話比佢知啲嘢食咁咁咁之後佢sorry都唔講，仲問我地想點，我地緊係唔要拉，叫佢扣起哂退咗嗰啲嘢跟住埋單，佢就攞哂啲嘢走，一啲禮貌都冇。我地埋單四佰幾蚊，一枝sparkling water，一杯凍檸茶，Tuna Sashimi $125，Blue cheese salad $98，仲有一碟超級無敵霹靂細生蠔三隻$88，仲要加一添。
佢地本來有枱$1500 嘅生意，點知而家只係得四佰幾蚊，我唔知佢地係唔係覺得啲錢臭唔要呢?
個menu其實好靚，但係服務態度好有問題，定係佢地覺得我地冇錢比呢?????
张贴