泰巷 (已結業)

昨日同老公兩個人食飯，突然想食魚，咁打算叫條烏頭，落單時經理話泰式烏頭可能因為配料同湯的影響，會有少少腥，但我覺得泰式烏頭有少少酸同泥味係正常，最後都決定左叫烏頭。點知一食，就真係好腥！我和老公每人食左兩啖頂不順……心想：弊傢伙，咁食唔到落去……算啦咁，同老公講不如叫過其他餸，點知經理聽到，直程話幫我們換過條鱸魚！！！勁好人（可能我個樣太可憐）！！！一上來，嘩嘩嘩，條鱸魚好靚！再食，外脆內嫰！好味過條烏頭多多聲！經理態度勁抵讚！淨係條鱸魚和經理的態度，值得我同老公再來！