小豆島日本料理 (已結業)

一個豐富的早餐係假期開始必需的，今日就來到上水的小豆島日本料理。早餐以西式和麵食為主，當然都有三文治飯團可以選擇。選擇都頗多，價錢又經濟，比起隔離快餐店更吸引。吉列魚柳配迷你蕃茄湯螺絲粉+ 炒滑蛋+ 腸仔 + 牛角酥 長方形的吉列魚柳炸得香脆，魚柳較薄，質感較鬆。滑蛋保持著濕潤的蛋汁，美味。蕃茄湯螺絲粉味道酸酸甜甜，味道自然，分量十足。牛角酥好香牛油味，十分酥脆。香煎豬扒+火腿+烚蛋+厚多士豬扒的份量十足。厚多士搽上牛油再烘，脆卜卜。