孖啡 (已結業)

已經好耐冇去過旺角嘅樓上Cafe，今次嚟到孖啡，感覺上食物都唔算貴，見到餐廳有好多學生同埋年輕人係度聚下，好有以前讀大學嘅感覺🤣嚟到當然要食個lunch set，今次食咗All Day Breakfast ($88), 包括煙三文魚，薯餅，茄汁焗豆，紐倫堡腸，炒蛋，沙律仲有牛角酥。沙律係用咗我最鍾意嘅芝麻醬，真係好好味。煙三文魚卷成一朵花咁樣，份量其實都唔少。套餐包括一杯$38嘢飲，今次加錢想試佢杯Oreo奶昔，味道剛剛好唔會太甜，仲有一大Pat cream係頂層，奶昔口感幼滑，性價比不錯。見到佢加$25就可以飲多一碗龍蝦湯，嚟到當然要試吓。龍蝦湯聞落去已經好香，飲落去雖然冇龍蝦肉，但係蝦味都好濃，仲加左少少忌廉增加口感。