影片
更多
2016-05-06
575 浏览
尋晚同男友37個月紀念，嚟到Yoho Mall諗住搵間大家都鍾意食嘅餐廳。呢度好多餐廳選擇，有部份都做優惠，包括呢家AppleGreen。入面9成滿座，我相信每枱都係被$ 298嘅二人套餐而吸引入座，我地都唔例外。$298包啲乜呢？首先送上每人一份是日例湯先啦，磨菇薯蓉湯，質感較為杰身，薯蓉香味好重，不過稍加pepper先至有啲味道，同埋食唔到啲粒粒湯料，有返會多啲質感。如果唔係太肚餓嘅話，可以唔好要呢碗湯;不過我係好肚餓嘅，所以就算味道麻麻都飲清光，不浪費。飲完湯當然要食前菜啦，有5款揀，包括凱撒沙律、加洲棒棒雞沙律、薯皮、墨西哥豚肉薄餅等等。嗚吖，樣樣都係我favourite。結果點咗棒棒雞同薄餅，介紹俾男友食！加洲棒棒雞沙律好味嘅地方係有唔同種類嘅蔬菜條啦，雞絲，仲有點睛嘅脆片。軟、爽、脆嘅混合口感，加上酸汁，每一口都好refreshing同開胃。建議食完沙律先食呢個墨西哥薄餅，皆因佢味道偏濃，咁呢個食起上嚟就無咁滯。兩塊薄餅夾住嘅係cheese同豚肉，又係脆同軟嘅混合口感，好滿足！有幾口會食到啲酸青瓜同菠蘿，中和晒啲重口味！不過陸續有重口味，就係食主菜嘞！主菜有肉眼扒、黑毛豬、
$298包啲乜呢？首先送上每人一份是日例湯先啦，磨菇薯蓉湯，質感較為杰身，薯蓉香味好重，不過稍加pepper先至有啲味道，同埋食唔到啲粒粒湯料，有返會多啲質感。如果唔係太肚餓嘅話，可以唔好要呢碗湯;不過我係好肚餓嘅，所以就算味道麻麻都飲清光，不浪費。
飲完湯當然要食前菜啦，有5款揀，包括凱撒沙律、加洲棒棒雞沙律、薯皮、墨西哥豚肉薄餅等等。嗚吖，樣樣都係我favourite。結果點咗棒棒雞同薄餅，介紹俾男友食！
加洲棒棒雞沙律好味嘅地方係有唔同種類嘅蔬菜條啦，雞絲，仲有點睛嘅脆片。軟、爽、脆嘅混合口感，加上酸汁，每一口都好refreshing同開胃。
建議食完沙律先食呢個墨西哥薄餅，皆因佢味道偏濃，咁呢個食起上嚟就無咁滯。兩塊薄餅夾住嘅係cheese同豚肉，又係脆同軟嘅混合口感，好滿足！有幾口會食到啲酸青瓜同菠蘿，中和晒啲重口味！不過陸續有重口味，就係食主菜嘞！主菜有肉眼扒、黑毛豬、肉醬/Carbon意粉、吞拿魚意大利飯同pizza 任君選擇，同樣都可以揀兩款，而且仲要係大大份，包你食飽！
咁我地呢啲咁重口味嘅情侶當然係唔肉唔食，同埋食肉好似係經濟啲（感覺上）。於是就食呢個醬燒美國黑毛豬扒。大大件豬扒好厚身，食落好有肉感，唔會一咬就鬆化。上面有塊溶咗嘅cheese係加強豬扒嘅密度，所以舊扒係好腍好厚好好味，哈哈哈！！！（進入幻想空間）然後配個類似risotto，除咗好rich好creamy外，我都唔知講乜好了。
最後一個主菜出場嘞！！係grill牛肉眼扒，七成熟，又係好有肉感，好濃郁嘅牛肉焦香。我覺得呢家餐廳嘅菜式好識利用一啲開胃，又別開生面嘅生果做side dish, 做開胃菜。呢個燒菠蘿係一絕啦，有幾何食牛扒薯條會有條菠蘿，仲要係燒新鮮菠蘿呢！如果個薯條都變埋粗薯，我投訴嘞，滿分！
飲品都有好多選擇架，除咗lemon tea, 士多啤梨特飲等等，仲有花茶。咁我同男友分別點咗蜜糖綠茶同菠蘿檸檬特飲。前者用綠茶粉沖，有啲誠意嘅；後者就比較酸，無咩特別。特別要一讚呢度嘅服務員，佢地好勤快，仲好有禮貌
张贴
