紫蘭花 (已結業)

夏日熱辣辣，成日無乜胃口咁，同friend係灣仔唱完K，佢地就提議食泰國菜，我地係酒店一出，周圍行下，比我地發現咗一間叫Sawadika嘅泰國菜餐廳，中文名叫紫蘭花。間餐廳細細地，我地被安排坐係近廚房個邊，之後侍應就介紹咗d招牌菜比我地。我地三個最後叫咗海南雞飯丶蝦餅丶沙律丶例牌豬肶、沙爹牛肉同泰國扎肉串燒，加多一杯青檸梳打。首先，我自己就好鍾意食海南雞飯架，呢度嘅海南雞飯係冇骨架，d雞好滑，最緊要係d雞飯呀，係完全冇油架，出面有d鋪頭d雞飯好油架，呢度d雞飯冇得頂呀！跟著就係個蝦餅，好彈牙，加上又新鮮炸起，配埋個泰式甜酸辣醬，好足料好好味！個泰式沙律都ok，最緊要係d菜夠新鮮，又多款式。平時都好少係泰國餐廳聽到有豬肶呢樣野，今次都係侍應姐姐介紹先知，加上我地又有d好奇，所以就叫番一個試下先！一黎到嘅時候就聞到好大陣鹵水味，點知一食，完全唔韌，好滑，唔鞋，好surprise呀！鍾意食鹵水味嘅朋友記得要試下啦！食泰國菜，一定要叫番d串燒試下，個沙爹牛肉串燒好入味，好香，好稔，完全唔韌；仲有個泰國扎肉，d味同越南嘅扎肉都有小小似，唔錯唔錯！最後，我地飲埋杯青檸梳打就飽飽啦，好滿足呀！呢間泰