✨ 原盅椰青大頭蝦冬陰功
份量係超級多！雖然係話係二人份量，但真係一家大細四小口每人一碗都可以， Menu淨係影椰青裏面嘅冬陰功，但實際上枱係椰青，再加一大碗冬陰功湯喺隔離 ，真係好足料，仲大份左！冬陰功湯椰子味好濃而且夠香甜，鍾意椰子味濃嘅就啱晒 😆
✨ 泰北椰汁蟹肉伴青瓜
蟹肉份量好多，而且食落新鮮，肉質唔會梅哂咁。因為加左椰汁既關係，味道比較甜，不過充滿椰香，襯埋青瓜咁食，感覺好清新！
✨ 咖喱海鮮
材料好豐富，有蝦、魷魚同青口，蝦同魷魚都彈牙鮮味，青口都相當唔錯。呢隻咖哩係甜甜哋既，相對平時食開個種冇咁辣，啱哂唔食得辣既朋友，拎黎送蒜蓉包一流！
最後抵讚既係呢到服務真心唔錯，服務員非常貼心睇我地需要～
