影片
更多
2020-06-04
811 浏览
老闆娘係泰國女人，係個背後有故事、靠自己成功捱出一片天嘅女人。餐廳主打泰北菜，廚師都係泰國人。💛黃店認證： 6.12屯門分店休息。👓生蝦刺身 $85生蝦都幾新鮮大隻、肉質爽夠冰凍，而蝦頭分別地拎咗來做炸蝦頭，完全唔浪費可以食埋，脆囗唔油膩。面頭有蒜片，另附泰式酸辣汁。評分：8/10👓酸辣海鮮清湯 L $138分別有三個size，而L份量大八個人飲都冇問題。湯底勁清甜，酸辣度適中，味道有少少似冬陰功湯不過又冇佢咁重酸辣度，落咗好多唔同香料好明顯嘅香茅味，配料有鮮蝦、好多雞髀菇、車厘茄等。評分：8/10👓肉碎生菜包(豬/雞/鴨) $58生菜約有六塊，意外地生菜非常新鮮仲要翠綠色，肉碎酸酸鹹鹹重香茅味，冇太多肥膏肉。評分：7.5/10👓蒜蓉包 $26五大嚿蒜蓉包，烘得脆卜卜，但蒜香味唔夠唔夠濃味。評分：6.5/10👓泰式炒金邊粉 $58食泰國菜點少得叫phat thai！金邊粉都地道同足料，有鮮蝦、蛋絲豆干、芽菜、花生碎，配上酸甜汁，係個中規中矩嘅金邊粉，稍為欠缺了點鑊氣唔夠泰國風味。評分：7/10👓泰式燒豬頸肉 $69豬頸肉燒得香口，切片厚度適中唔會太薄，點上附上嘅酸辣汁更惹味。評分：8.
💛黃店認證： 6.12屯門分店休息。
👓生蝦刺身 $85生蝦都幾新鮮大隻、肉質爽夠冰凍，而蝦頭分別地拎咗來做炸蝦頭，完全唔浪費可以食埋，脆囗唔油膩。面頭有蒜片，另附泰式酸辣汁。
評分：8/10
👓酸辣海鮮清湯 L $138分別有三個size，而L份量大八個人飲都冇問題。湯底勁清甜，酸辣度適中，味道有少少似冬陰功湯不過又冇佢咁重酸辣度，落咗好多唔同香料好明顯嘅香茅味，配料有鮮蝦、好多雞髀菇、車厘茄等。
評分：8/10
👓肉碎生菜包(豬/雞/鴨) $58生菜約有六塊，意外地生菜非常新鮮仲要翠綠色，肉碎酸酸鹹鹹重香茅味，冇太多肥膏肉。
評分：7.5/10
👓蒜蓉包 $26五大嚿蒜蓉包，烘得脆卜卜，但蒜香味唔夠唔夠濃味。
評分：6.5/10
👓泰式炒金邊粉 $58食泰國菜點少得叫phat thai！金邊粉都地道同足料，有鮮蝦、蛋絲豆干、芽菜、花生碎，配上酸甜汁，係個中規中矩嘅金邊粉，稍為欠缺了點鑊氣唔夠泰國風味。
評分：7/10
👓泰式燒豬頸肉 $69豬頸肉燒得香口，切片厚度適中唔會太薄，點上附上嘅酸辣汁更惹味。
評分：8.5/10
👓芒果蟹肉炒飯 $68蟹肉少到唔係好明顯睇到，芒果大大粒黃色就明顯睇到啦，食落仲好甜添，不過同個飯完全唔夾，嗰個人本身淨係明顯有青豆粟米紅蘿蔔粒，飯底偏淡冇乜味，整體似食緊甜芒果溝唔知咩飯。
評分：6/10
👓地道泰式炒飯 $55有蛋絲、扎肉粒、叉燒粒、臘味粒、配上洋蔥蔥等炒成，唔知係咪用咗泰式醬所以個飯帶點微辣。
評分：7/10
👓泰式星夏啤酒 $30/支
都幾大支，味道其實同象啤差唔多，正常啤酒味冇話太大特別，都易入口唔苦。
評分：7/10
张贴
