👨🏻🍳秘製脆香鱔 $168
一上枱已經聞到陣陣炸蒜香氣，外層炸得酥脆薄皮、唔油膩，咬落去鱔肉嫩滑多汁，鱔味濃郁之餘又帶少少魚肉嘅鮮甜，配埋炸蒜真係惹味度加倍🔥！份量唔少！
🍲啫啫雞煲 $88
雞件嫩滑入味，配料包括新鮮爽彈嘅豬潤、香口嘅蒜頭、紅蔥頭等，醬汁鹹香適中，唔會搶味，非常開胃！以呢個價錢嚟講，真係超值💯！
我食過唔少大排檔雞煲，有啲又油又鹹，但文哥出品就啱啱好，感覺食完唔會口渴，炸鱔更加係今餐MVP🐟！📣推介大家三五知己成班人嚟開餐，叫多幾味都唔會肉赤，係嗰種會想再嚟一次嘅大排檔好選擇！
