影片
更多
2008-07-01
25 浏览
7月1日一起身見好鬼肚餓,女朋友又話想出尖沙咀行街,就不如黎小肥羊勁食一餐啦佢地下午茶2點鐘開始,我1:45分上到去都已經有人等緊,即刻上前登記左先,2點開始入得,仲係坐窗口位,真係好喇跟住開茶同點食物,點左以下點心:1.炸菜牛肉腸粉(腸粉皮比較厚少少,但都算滑,餡料唔太咸,豉油亦合格)2.XO醬鳳爪(有D麻辣既感覺,而且唔太林身,唔會甩晒皮咁,都幾好味)3.薑蔥牛柏葉(呢樣幾好味喎,牛柏葉入晒味,但冇梘水味,唔韌,薑蔥亦好香)4.架哩蒸土魷(隻架哩唔知係咪加左蒙古香料,架哩味好特別,好似有D麻辣既感覺,土魷就要少少梘水味,但都可以既)5.蟹籽滑燒賣(呢樣上檯賣相已經一流,睇樣都似賣成20蚊一籠果隻,蝦爽,餡料有肉汁,味道適中,幾正)6.陳村粉蒸排骨(D排骨就比較肥同份量好小,味就幾好,但D咩陳村粉就成碟都係,D粉蒸到好乾,冇食到,淨係揀左D瘦排骨食左就算了)7.金銀蛋瘦肉粥(粥都算綿,不過就鹹左少少,但一起身食啖粥,感覺都幾好既)8.蒜香炸蝦角(似剛炸起,熱辣辣,入面都算多蝦,點埋沙律醬食都幾正)9.白灼時蔬(係菜心,碌得老左少少,同有少少甘苦味,不過都食晒,食菜有益嘛)10.南瓜奶
佢地下午茶2點鐘開始,我1:45分上到去都已經有人等緊,即刻上前登記左先,2點開始入得,仲係坐窗口位,真係好喇
跟住開茶同點食物,點左以下點心:
1.炸菜牛肉腸粉(腸粉皮比較厚少少,但都算滑,餡料唔太咸,豉油亦合格)
2.XO醬鳳爪(有D麻辣既感覺,而且唔太林身,唔會甩晒皮咁,都幾好味)
3.薑蔥牛柏葉(呢樣幾好味喎,牛柏葉入晒味,但冇梘水味,唔韌,薑蔥亦好香)
4.架哩蒸土魷(隻架哩唔知係咪加左蒙古香料,架哩味好特別,好似有D麻辣既感覺,土魷就要少少梘水味,但都可以既)
5.蟹籽滑燒賣(呢樣上檯賣相已經一流,睇樣都似賣成20蚊一籠果隻,蝦爽,餡料有肉汁,味道適中,幾正)
6.陳村粉蒸排骨(D排骨就比較肥同份量好小,味就幾好,但D咩陳村粉就成碟都係,D粉蒸到好乾,冇食到,淨係揀左D瘦排骨食左就算了)
7.金銀蛋瘦肉粥(粥都算綿,不過就鹹左少少,但一起身食啖粥,感覺都幾好既)
8.蒜香炸蝦角(似剛炸起,熱辣辣,入面都算多蝦,點埋沙律醬食都幾正)
9.白灼時蔬(係菜心,碌得老左少少,同有少少甘苦味,不過都食晒,食菜有益嘛)
10.南瓜奶皇馬拉糕(食唔到南瓜味,不過甜味都幾適中,奶皇都幾香)
11.安蝦咸水角(呢樣黎既時候凍左,餡料亦不多,皮亦好厚,下次唔會叫)
12,XO醬蘿蔔糕(蘿蔔糕係煎完再切粒,糕都幾軟身,煎既部份都幾脆,配合埋XO醬一齊食,幾香幾好味)
13.羊崧海鮮薄餅(呢樣鹹左D,味道麻麻,只食到粉食唔到其他配料,可以唔叫)
14,北菇蒸滑雞(呢碟都幾足料,半隻厚厚既冬菇,幾件魚肚,幾件雞肉,味道都好好,係略嫌油左少少)
15,雪耳燉木瓜(其實係一般雪耳木瓜糖水,味道亦一般,不過食左咁多點心後飲番碗都幾舒服既)
16.泡椒鳳爪(有少少麻既感覺,但味道就似一般白卥水鳳爪,幾爽口,味道都可以既)
17.濃湯灌湯餃(呢樣其實都唔知有冇叫,不過佢隊到黎就試下,湯底幾好,似豬骨湯,個餃就一般,餡料有豬肉同蝦,餃皮就削左少少,都可以一試既)
總結味道就過得去啦,環境都幾好,夠晒寬落,我見好多兩個人都比四位檯佢地坐,招呼亦都可以,打開蓋好快就加水,吉碟同食完既點心籠好快就執走,衛生都可以既,廁所都幾乾淨,講真,五十幾蚊一位,有兩個鐘頭任您點任您食,仲想點呢...
* 如果想請一大班人飲茶而又想有數圍,呢度絕對係一個唔錯既選擇,因為就算唔係下午茶時間都有任點任食,價錢都係貴10蚊一位左右,而且地方寬敞夠舒適,地點亦唔算太偏僻 *
埋單連茶芥加一合共$114
张贴
