台灣館 (已結業)

一行四人試下呢間新嘅台灣菜，我地叫咗個四人餐$371，呢間餐廳仲唔使加一。四人餐包括一個藥材雞湯（啲雞好滑個湯好好飲），一個前菜（我哋揀咗麻辣牛展）另可任選三款小菜。我哋揀咗萵筍炒牛肉（味道唔錯牛肉有少少老），魚香茄子煲（味道唔差），台式三杯雞（都唔錯不過鹹咗少少），包括四碗白飯（珍珠米），四杯港式冷熱飲品（可惜如果轉台灣飲品每杯要加最少$13）所以叫咗凍檸檬茶，但都好好飲唔會苦澀，最後包四碗單球雪糕仔（似係牛奶公司味道）總括來講佢啲小菜同湯都好食同好飲。