秋月居 (已結業)

尋晚放工同fd食飯，有人就提議近近地去牛頭角食。間野位於得寶商場再前啲，都好方便。門口就見到有個日式串燒counter，好和風！夜晚8點去到都唔使等好耐，等左十幾分鐘就有位都幾快。我叫左個鰻魚飯，我以為個飯會好細個，點知原來個飯係超大個，成個鐵板咁大，飯量好多，舊鰻魚又大舊，啲蛋上面仲有芝士，食嗰時會拉絲。切開嗰時啲熱氣標出黎真係好吸引。唯一美中不足係茄汁太多，太酸，啲蛋都有啲過熟。不過真係好抵食，兩個女仔都可能食唔曬。另外我仲叫左個燒帆立貝，不過有半碟都係菇黎，但都好入味，啲帆立貝就有啲老。以食日本野黎講，呢間都算街坊價，值得去試下！