三川居酒屋 (已結業)

今日難得中午有空檔，見悶悶地就同同事出去覓食，有想食日式料理的意欲，經過見到一間較隱世的日式居酒屋-三川，就決定一於試下。一落到去裝修幾有特色，以木系同仿沖繩草既設計，幾有日本居酒屋風味。睇睇餐牌食物種類都幾多，師傅推介師傅發辦的壽司🍣，岩哂我地呢d心大心細又唔知想食咩既女孩子，交由師傅主理，共有十件（$288），每個口味兩件兩個人食就好fit🤩師傅爲我地準備左大池魚壽司、鰤魚壽司、劍魚腩壽司、左口魚裙邊壽司同拖羅蓉壽司，我地額外叫多客海膽壽司。食壽司，應該由淡至濃。我地先食清淡的池魚，池魚有種爽脆嫩口的質感；再來是食左口魚裙邊，左口魚上師傅加了少許黑松露，與左口魚形成一種強烈的對比，對於黑松露愛好者必會喜歡這款壽司；跟著食劍魚腩，劍魚腩肉白略帶漂亮的淡淡紅色，肉質柔軟脂肪多，鮮甜而不油膩；到食鰤魚，鰤魚的肉質透著紅色，上面佈滿油脂，證明含油量大，肉質比油甘魚更結實；拖羅蓉綿滑細緻，不錯。食完五款師傅發辦壽司，試試海膽壽司，海膽不腥，不過略嫌紫菜不夠脆，唯一失分的地方。一個下午就可以淺嚐經濟實惠的師傅發辦壽司，很滿足，下次可以試埋晚餐其他食物！