燒味滷師 (德慈樓) (已結業)

今晚難得齊人食飯 爸爸放工專登去斬料加餸聽佢講呢間店新開冇耐 成日都見好多人幫襯門口一隻隻掛起嘅肥美燒鵝 睇到佢流哂口水至尊燒鵝 ($110)燒鵝啖啖肉 幾厚實 配埋酸梅醬非常開胃而我最欣賞佢層燒鵝皮 食落仲脆脆地 而且油香滿滿老師傅燒腩仔 ($64)燒肉仔好鬼靚 一層肥一層瘦相間住最估唔倒嘅係 食嘅時候啲皮仲係脆卜卜 客家鹽焗雞半隻 ($30)三十蚊半隻雞真係好鬼抵 但絕對唔馬虎雞肉啖啖肉 鹹香味十足 而且仲好嫩滑燒味佬叉燒 ($50)叉燒睇落好似比較瘦 點知食落又幾稔滑wor而且佢叉燒汁仲好香蜜糖味 用黎送飯一流