滋味屋

同事約我食飯，我哋去咗荃灣川龍街65號地舖的<滋味屋>食家常小菜，晚飯時段，小菜配白飯、例湯和餐飲，好經濟實惠呀！唔怪之得氣氛咁熱鬧。

我哋點咗：
🥢紅燒豆腐 $77：豆腐嫩滑，配菜有 厚冬菇片和白菜仔，口感豐富又好味，唔錯。
🥢金銀蛋莧菜 $77：份量不少，金銀蛋好味，莧菜青綠好食。
🥢豉汁蒸大鱔 $110：大鱔新鮮厚肉配豆卜，鼓汁惹味，送飯一流。
🥢例湯係青紅蘿蔔豬骨湯：足料老火湯，好好飲。
🥢餐飲係凍檸檬茶（$3）和熱檸檬水：消滯解渴。