雙辣 (已結業)

今日行過屯門開左一段時間嘅美食商場，見到「雙辣」這間四川菜，門口裝修得幾古式古香，見到中午時間又有客飯食，正正想食辣嘅我就唔洗考慮入去試試！唔知是否疫症期間，店內只得兩、三枱客人，但這敏感時期，少啲人可以食得安心啲睇一睇餐牌就決定食干鍋同擔擔麵啦！干鍋可選4款餸，今日就選左豬頸肉，豬皮，萵荀和肥腸跟一碗白飯加飲品（枝裝豆漿）。餐送到見到好多辣椒🌶️，心諗一定好辣餸就大約每款有兩至三件左右，先試一試肥腸，腸好霖，其他餸都好入味，但好可惜唔夠辣喎！有點失望。四川擔擔麵+鎮江小排骨，同樣叫左豆漿。這裡嘅四川擔擔麵同其他地方食到嘅有些分別，湯唔夠花生味，同樣都係一點都唔辣，為何餐牌會有一隻辣椒🌶️湯底傑傑地，甜甜地，味道不過不失，而麵嘅軟硬度就適中。但鎮江排骨就好好味，肉好入味，酸酸甜甜幾正！