影片
更多
2023-04-02
96 浏览
老公今日下午放假，去左葵涌廣場行街，中午去探索下有咩食店先....搵到呢間新開無耐嘅漢堡店，幾多選擇喎！有多款手打牛漢堡,意式三文治,Bagel Poke Rice, 日式蓋飯,香口酥炸小食。全部即叫即整，保証熱辣💢。最抵食嘅漢堡只係$50幾蚊，豐富足料嘅只係$79，係大店食都要過百元，漢堡肉仲要係無激素，有機黑豚肉手打添，真係好超值💗！可以揀立食或者外賣，外賣送左個包裝精美嘅保溫袋及木製餐具，好貼心。我地去左新都會平台花園坐底慢慢嘆下漢堡😋。我地點左人氣嘅🍔‘’芝士安格斯漢堡”，🍔“芝士大啡菇黑毛豬漢堡”，每個加18蚊配小食及飲品。🍔芝士安格斯漢堡$79漢堡包可揀竹炭底呢黑包，幾特別喎。2塊好厚嘅無激素手打牛，咬落好Juicy, 牛味香濃，配埋新鮮沙津菜，切得薄薄嘅蕃茄，芝士，恰到好處嘅醬汁，咬落唔會漏到成手都係汁，配合鬆軟嘅包底，真係滋味滿分呀！🍔芝士大啡菇黑毛豬漢堡 $79 大大隻香煎啡菇，配搭無激素黑毛豬，推介比唔食牛嘅朋友仔。啡菇咬落好多汁，口感軟腍，手打黑毛豬扒油脂分佈均勻，咬落有油脂唔會覺得好乾，味道仲好正添！小食揀左🥘日本天婦羅魷魚鬚，脆炸單骨雞翼炸粉混合紫菜，魷魚
老公今日下午放假，去左葵涌廣場行街，中午去探索下有咩食店先....搵到呢間新開無耐嘅漢堡店，幾多選擇喎！
有多款手打牛漢堡,意式三文治,Bagel Poke Rice, 日式蓋飯,香口酥炸小食。全部即叫即整，保証熱辣💢。
最抵食嘅漢堡只係$50幾蚊，豐富足料嘅只係$79，係大店食都要過百元，漢堡肉仲要係無激素，有機黑豚肉手打添，真係好超值💗！
可以揀立食或者外賣，外賣送左個包裝精美嘅保溫袋及木製餐具，好貼心。我地去左新都會平台花園坐底慢慢嘆下漢堡😋。
我地點左人氣嘅🍔‘’芝士安格斯漢堡”，🍔“芝士大啡菇黑毛豬漢堡”，每個加18蚊配小食及飲品。
🍔芝士安格斯漢堡$79
漢堡包可揀竹炭底呢黑包，幾特別喎。
2塊好厚嘅無激素手打牛，咬落好Juicy,
牛味香濃，配埋新鮮沙津菜，切得薄薄嘅蕃茄，芝士，恰到好處嘅醬汁，咬落唔會漏到成手都係汁，配合鬆軟嘅包底，真係滋味滿分呀！
🍔芝士大啡菇黑毛豬漢堡 $79
大大隻香煎啡菇，配搭無激素黑毛豬，推介比唔食牛嘅朋友仔。啡菇咬落好多汁，口感軟腍，手打黑毛豬扒油脂分佈均勻，咬落有油脂唔會覺得好乾，味道仲好正添！
小食揀左
🥘日本天婦羅魷魚鬚，脆炸單骨雞翼
炸粉混合紫菜，魷魚鬚滿滿紫菜味
炸物粉漿唔會過厚，仲好香口
下次嚟葵芳行街
要嚟呢度試下其他款式嘅漢堡先得喇！！
1 浏览
0 赞好
0 留言
张贴
