小麻吉滷肉飯 (已結業)

通菜街乜都有得食，每次喺旺角一諗唔到食咩就會過去睇下有咩食。小麻吉既晚市套餐最岩我呢啲懶人，A+B+C各揀一樣，咁就有齊前菜、主食同小菜，仲有隨餐附送貢丸湯。-滷肉飯+滷豬手+麻辣豬大腸拼豬耳 $65 滷肉肥肉較多，所以幾香口，亦唔算太油膩，但略嫌肉香唔夠出；滷豬手炆得又稔又入肉，骨膠原出哂黎！好食！麻辣豬大腸拼豬耳就麻麻，麻辣完全唔辣，大腸既肥膏都略多。-肉燥飯+肉燥小茄子+黃金炸雞扒 $66肉燥既肉味非常濃，份量都幾多，不過有啲瘦，無乜油脂香；肉燥小茄子正正常常，炸雞扒大塊得黎唔會有骨，炸皮做得唔錯，酥脆得黎唔會分開哂，+3蚊大大塊好抵食。-同埋要讚下珍珠茉莉奶綠好好飲，茉莉茶底濃得黎唔會澀，奶香十足又夠滑，珍珠軟硬適中好好嚼。