影片
更多
2017-12-21
3365 浏览
而家物價高漲，閒閒地喺香港食餐飯都要$300-$400，喺屋企煮又唔會平得去邊，真係想搵一間經濟實惠嘅餐廳做食堂。今日經過荷里活廣場，見到呢間餐廳幾得意，以公仔做主題，入面好多精品售賣，精品都幾靚。門口有專售外賣雞蛋仔及曲奇餅等等，細看之下原來入面係餐廳，咁岩大家都未食嘢，就入去試吓。店內唔算好大，座位不算多，但有個小型遊戲區供小朋友玩，都幾有心思。今時今日，竟然比我搵到有二人餐只係$188，仲要已經計埋加⼀，真係超級抵食，諗都唔諗就點左呢個餐。Set dinner for 2 $188脆香雞扒凱薩沙律揀咗脆香雞扒沙律，雞扒炸得好脆，而且份量十足，入口都好Juicy，完全係大件夾抵食。原來沙律係另上，好大份又夠新鮮。是日精選餐湯-南瓜湯南瓜湯唔算好濃郁，不過入口清甜，如果有埋蒜蓉包配就更好。牛肝菌忌廉汁意大利粉忌廉汁味香濃，每一口都吃到豐富的牛肝菌，意大利粉煮得剛好不會過腍，而且夠入味。鮮茄焗厚切豬扒飯好大碟的焗飯，面層充滿芝士醬及番茄，味道香濃而且夠酸味，飯粒呈金黃色，豬扒亦較厚身，實在是豐富。是日甜品估不到附送的甜品都有不同款式，而且味道相當不錯，我最喜歡的是卷蛋，入口鬆軟而且忌廉
今日經過荷里活廣場，見到呢間餐廳幾得意，以公仔做主題，入面好多精品售賣，精品都幾靚。
門口有專售外賣雞蛋仔及曲奇餅等等，細看之下原來入面係餐廳，咁岩大家都未食嘢，就入去試吓。
店內唔算好大，座位不算多，但有個小型遊戲區供小朋友玩，都幾有心思。
今時今日，竟然比我搵到有二人餐只係$188，仲要已經計埋加⼀，真係超級抵食，諗都唔諗就點左呢個餐。
Set dinner for 2 $188
脆香雞扒凱薩沙律
揀咗脆香雞扒沙律，雞扒炸得好脆，而且份量十足，入口都好Juicy，完全係大件夾抵食。
原來沙律係另上，好大份又夠新鮮。
是日精選餐湯-南瓜湯
南瓜湯唔算好濃郁，不過入口清甜，如果有埋蒜蓉包配就更好。
牛肝菌忌廉汁意大利粉
忌廉汁味香濃，每一口都吃到豐富的牛肝菌，意大利粉煮得剛好不會過腍，而且夠入味。
鮮茄焗厚切豬扒飯
好大碟的焗飯，面層充滿芝士醬及番茄，味道香濃而且夠酸味，飯粒呈金黃色，豬扒亦較厚身，實在是豐富。
是日甜品
估不到附送的甜品都有不同款式，而且味道相當不錯，我最喜歡的是卷蛋，入口鬆軟而且忌廉香甜。
木糠布甸亦好幼滑。
餐飲選了熱檸水，朋友選擇加$15配滿屋特飲，味道都不錯。
這個餐實在太豐富，我們二人都飽到吃不下，外賣回家亦不另收費，我相信很少地方有這麼經濟實惠的套餐，這裏會成為我以後的食堂。
张贴
