名捌月 (已結業)

係荃灣捐血站附近既呢間餐廳，原名叫夏捌月，而家改左名。經過好多次，今次午餐時段經過，見到價錢唔貴，於是我叫左西冷牛扒意粉，家人叫左雜扒配薯條食物一嚟到「哇」左出聲，好大塊呀！至於味道尚算一般，係港式鋸扒個種大大份，由於落左鬆肉粉，所以都冇乜肉質同牛味可言...但意粉煮得幾好，唔會太淋變糊狀條條分明；薯條都出乎預料地好食。佢仲有設自助吧，可以自己拎湯拎沙律，佢個薯仔沙律幾好，但湯就好淡。總括而言，以$100唔洗既價錢，有沙律，有湯，有飲品，有大大份扒，都幾抵食！