家樂茶餐廳

营业中

休息中

午餐荷包有限，見到食評話呢到夠平，就嚟睇下試一試拒。中午一點半嚟到，人山人海，條隊要排到落樓下，心諗有無甘誇張。好彩要等嘅時間唔算好耐，d人通常都係快食快走型。等左5分鐘左右就上到去。仲要讚下就係呢到d姐姐好識做，一個人坐喺張大枱到，識得叫拒地幫忙調一調，甘就會快d有位坐。快餐有幾個，35蚊，仲有個湯，如果要飲嘢就加幾蚊，都還可以。叫左個餐嘅快餐沙嗲肉片炒河，即叫即炒，份量大，味道係茶餐廳水準，不錯。叫左個散餐芙蓉蛋飯，有叉燒有火腿仲有芽菜，外邊煎到金黃香口，入面卻有蛋汁，功藝好好，味道不錯，份量又夠。適日有d感冒，個鼻塞左，朋友建議叫熱檸樂煲薑，估唔到真係有得叫，跟餐加5蚊，夠辣夠薑。以今時今日嘅環境嚟講，觀塘工業區，35蚊有甘嘅質素確實唔錯。