金莎堡茶餐廳

营业中

休息中

近排經常四到五點食下午茶餐，六點之後好少食野，順便當晚飯。要抵得住夜晚肚餓，下午茶就要食飽啲，麵飯類係最佳選擇。五香肉丁叉燒炒飯，金莎堡炒飯鑊氣幾足下，平時有叫開呢個，今餐都唔例外。不過今天的鹽似乎落少咗？依然足料不過味道差咗啲，要加辣椒先食到。日式海鮮炒烏冬，所謂海鮮得魷魚兩片。同炒飯相反，一係炒烏冬口味重好多，不過味道都算正；二係食起身覺得份量不及炒飯。而家物價咁高，35蚊的下午茶想食得飽仲不失口味，都算係咁。