虹橋小館 (已結業)

同女朋友去屋企附近食晏，因為汰弱留強，商場淨返一間上海餐廳。餐廳午市套餐星期一至日都有，除咗傳統上海粉麵飯之外仲有麻辣米線揀，而家仲免茶介免加一添。嫩雞煨麵($48)。清清地，唔會太咸。個麵好夠份量，有菜有雞肉，不過不失，未見驚喜。濃茄牛肉麵($58)。唔係淨係得pat茄汁，真係有蕃茄粒，好似有啲蔬菜咁健康啲。牛肉大大塊又淋又無筋，湯底唔會太鹹，下次可以再叫。鮮肉小籠包(+$18/兩件)。雖然個皮唔算非常薄，內餡充滿肉汁，加返唔少分。餐飲熱豆漿($0)。算夠豆味，如果減少少甜就更好。