我地兩個都有少少肚餓🙊所以就點左一杯野飲🍹, 三個小食, 一煲燉湯🥣, 兩碟小菜同一碗麵🍜
接骨木花蜜瓜茶🍹
接骨木花嘅清香加埋蜜瓜🍈嘅甜, 味道配搭方面幾夾而且幾特別!😊
椒鹽香酥鮮淮山
炸淮山口感酥脆, 加埋適量嘅椒鹽, 味道唔錯而且唔算太油膩! 雖然係用左炸嘅方法, 但淮山食落口一d都唔乾, 仍然保留左淮山原有嘅質感😋
蒜香紅海蜇頭
蒜蓉, 辣椒🌶同醋嘅比例做得相當之好👏🏻, 酸中帶甜, 海蜇頭肉質厚實爽脆有嚼勁, 入面仲有青瓜🥒口感清爽, 非常開胃, 極度推介!!😋👍🏻👍🏻
冰鎮苦瓜配桂花蜜糖🍯
`苦瓜'花🌷賣相精緻, 中間放住碎冰做冰鎮, 清涼爽口嘅苦瓜切得非常薄, 蘸上清香嘅桂花蜜糖, 食落去苦中帶甜, 味道清新, 意想不到地夾, 有驚喜, 值得一試!👍🏻
淮山杞子螺頭湯🥣
燉湯嘅份量幾多, 約有3至5人份量😊 湯汁色澤清澈, 香氣濃郁, 味道鮮而不膩, 飲落去係啖啖精華嘅味道!
金牌脆皮燒雞🐔 (半隻)
燒雞皮脆肉厚而且嫩滑唔乾, 加埋辣椒醬, 正!
四大天王🥬🍆 (Small)
四大天王包括有四季豆, 秋葵, 茄子🍆同甜豆。四款蔬菜加埋微辣嘅肉燥拌炒, 口感清脆而且非常入味
滑雞乾撈米線🍜(少辣🌶)
乾撈米線份量幾多, 雞肉鮮嫩, 米線質地柔軟不易斷開, 唔錯!
總結: 食物味道同賣相唔錯, 環境舒服, 上菜速度幾快!👍🏻😊
