新店幾乾淨，坐得舒服咗好多
食物—(雙層)芝士蛋漢堡+薯條
漢堡包全部即叫即整！上枱時個包岩岩烘過，隔住張紙都係熱嘅
漢堡扒加咗洋蔥，煎得好香好juicy，比以前厚少少，咬咗幾啖都仲係出緊煙咖！
蛋煎到少少燶邊，加埋佢個沙律醬(個人覺得可以再多少少醬，始終係佢地招牌)
呢個味道真係喺其他地方係搵唔到 T____T
港式薯條剛剛炸起好脆，但比起個包就冇乜特別啦～
後感
好感受到大哥好努力希望比以往做得更好！
例如以前舊鋪用嚟包住漢堡包果張紙好薄，次次都食到好狼狽，而家就改良咗
店員同老細好友善，為餐飯加咗唔少分
可能因為呢間鋪個名冇「時新」兩個字，部分人未必知係舊店嘅延續
但keep到質素之餘，都仲係好有heart，希望佢地更多生意啦～
