帝樂德國餐廳 (Fashion Walk) (已結業)

記得第一次食德國菜都係係King Ludwig食，當時仲有美利樓分店。宜家好似淨返銅鑼灣呢一間。今次嚟冇食德國豬手，反而食咗一款Dennete，即係德國版本嘅Pizza，不過佢係正方形嘅。味道就叫Black Forest Ham (黑森林火腿)。要知道黑森林火腿係一種在德國黑森林地區生產的干醃熏火腿。 自1997年起，「黑森林火腿」一詞係歐盟係一個受保護的原產地名稱，這意味著係歐盟銷售嘅任何標示「黑森林火腿」的產品必須來自德國嘅黑森林地區。所以呢個”Pizza”係真正嘅德國口味。火腿鹹香味仲犀利過巴馬火腿。”Pizza”除咗有芝士仲有啲忌廉，加埋食落仲有啲carbonara味道。另外梗係要食嗰啲德國腸啦，呢隻白色嘅紐倫堡豬肉腸就係我最鍾意食。下面仲有德國酸菜同埋薯蓉。沙律都有吞拿魚汁雞肉沙律呢啲比較特別嘅菜式。所以德國菜唔淨只係德國豬手㗎，仲有好多好味嘅嘢食。