La Famille (已結業)

一路都好鍾意佢哋嘅戚風蛋糕，所以今年家母生日就訂咗個大蛋糕慶祝😗 本身好想試新出嘅mojito味，不過家母係朱古力fans唯有忍下手揀個濃厚雙重朱古力😌老實講平時食蛋糕好少會揀朱古力味，唔係伯爵茶就係啲生果味，事關朱古力睇落好似好大唔好簡單，但其實好容易撻Q，甜得滯又會覺得膩，用料唔夠靚又會俾人話係假朱古力等，而呢個就完全冇呢啲問題✨響邪惡嘅賣相下食落個朱古力味夠香之餘甜度又比想像中輕，連老人家都唔覺太甜，而蛋糕本身都係佢哋一貫高水準嘅正常發揮，口感軟綿鬆化唔會好乾身，另外中空部份都fill滿白忌廉，令蛋糕每啖保持濕潤，同時忌廉質感輕盈食落冇負擔✨仲有要特別提一下嘅係個蛋糕裝飾除咗有馬卡龍之外仲有好多朱古力系嘅零食，有kitkat/hersheys/oreo/麥提莎/三角朱古力，仲有我細個最鐘意食嘅twix😍 第一時間俾我拎哂兩條食，童年回憶當堂返哂嚟🤣