SENSU (荃新天地) (已結業)

打算與住港島區的12歲姪女食一餐好好的餞行飯，當然要選一個她少去的地方。最後經朋友介紹去了SENSU 食high tea. 朋友話賣點係環境靚，不算貴，個high tea set 仲有effect. 立即book 位，好彩最後一個位都book 到。合共四層set, 原來effect 係職員送個set 來時會令個set 有似夢迷離的煙出，好有心思。我哋由最低層食到頂。有三款我和姪女都一致覺得特別好味。1）首推最低層的檸檬撻，酸味十足，討好。2）三文魚多士，好似普通菜式，但除三文魚外，沙律菜配得清新，不會悶。3）是最頂層的蛋卷，好味在只得一件要share 食😝，其實好味在芋頭味好重，蛋糕鬆軟，證明新鮮。其他的味道也不錯。但跟餐飲品有限，其他要加錢。若多些跟餐飲品選擇更好。特別多謝店長為我們安排了角落頭的二人位，等我們可以好好傾下偈，留下她在香港的好回憶。