校長燒肉日韓料理 (大埔廣場)

营业中

休息中

琴晚同屋企人係大埔食左呢間好多野食既放題燒肉，一去到門口，發現招牌好有日本燒肉店嘅感覺，之後入到去我就俾佢一個一比一鐵甲奇俠吸引到，因為我本身係佢粉絲，之後我立刻同佢影相，上到去坐低之後，就發現佢個地方都幾大，有好多唔同選擇嘅嘢食，海鮮拼盤有大蝦、元貝同蠔，都非常新鮮，之後去睇一睇出面有咩食先，首先介紹下燒肉區，有各式各樣嘅肉類、丸類同蔬菜類，基本上你講得出一般燒肉想燒既野都有，當中有一樣我非常鍾意食，就係佢個魚柳，佢有兩款口味，一款係香草另一款係泡菜味，燒完之後肉質鮮嫩，加上無骨，岩哂我呢啲懶人，再之後佢有點心區、日式料理區同埋冷盤區，點心區，雖然款式唔多，但放題有點心食已經算唔錯，之後日式料理方面，都有幾款壽司可以選擇，包括有生蝦、魷魚，三文魚花之戀等等，而且壽司份量唔大，唔會太飽，再加埋隔離亦有幾款魚生供應，分別係吞拿魚、大赤蝦、希靈魚等等，應有盡有，而冷盤區，有我最鍾意食嘅藍青口同埋翡翠螺，實在滿足晒我願望，嘢飲方面，佢有各式各樣嘅汽水紙包飲品酒類，當中值得一提嘅係佢有自製嘅冷泡茶，佢嘅茉莉花綠茶同埋玫瑰烏龍茶飲落口非常舒服，成餐飯我都飲咗三支，另外，佢有清酒同梅酒任飲，兩者方