香江花月 (利舞臺廣場) (已結業)

今次要黎打卡嘅系香江花月嘅銅鑼灣店，呢間分店同荃灣店都系在入門口時有個迷你teamlab 供客人打卡影相，揭曉呢間主題系波波燈，超級夢幻！內廳有復古風格電單車，型格有氣勢，藝術氣質滿滿。調料區設有各種調味料，客人可以自由配搭。我哋揀咗辣汁花蛤鍋，湯底有好多花蛤、花菇，鮮味十足！香江拼係全牛拼盤，將各種材料放在木盤上，圍在火鍋湯底邊，賣相好特別，影相打卡一流！安格斯肥牛肉質上等，雪花牛肉嫩滑無渣！白色嘅有兩款，牛心頂同牛白肉。牛心頂口感爽脆，牛白肉全為脂肪,口感特別。牛小腿肉質鮮甜嫩滑，而且冇渣。黑柏葉非常爽脆，質地新鮮。手切肥牛同牛柳粒肉份量都算多，質素不俗。另外嗌咗個七色丸，七種顏色七種口味，紅咖喱墨魚丸、咸蛋味魚丸、鯪魚球味、蟹籽魚丸、南乳墨魚丸、椰奶黑魚丸、黑松露墨魚丸，估唔到佢個椰奶香咁突出野飲桃花緣同香芳幻，打卡一流，顏色好夢幻，果香四溢！味道酸甜，有d果肉啫喱，好好味。