吞POT 雞煲火鍋.住家菜 (山林道) (已結業)

好耐無食雞煲，難得有朋友約，梗係𦧲飯應啦！聽聞呢間吞POT好受歡迎，所以朋友就book咗呢間⋯餐廳佔地全層，環境清靜舒服，由於時間尚早，人唔算太多⋯坐低後，店員主動將9款嘅醬料拎俾我哋自行配搭，啱哂鍾意混醬嘅我。香辣雞煲雞煲一上枱，香氣撲鼻，令人食慾大振！由於我哋唔太食得辣，所以叫咗半隻BB辣試試。雞嘅份量十足，雞肉嫩滑，非常入味，味道唔錯。醬汁同雞嘅味道配合得好好，令到成個雞煲都好惹味。另外，我哋又叫咗支啤酒，熱辣辣嘅雞煲配凍冰冰嘅啤酒，爽爆！食完雞煲就梗係要加湯去打邊爐啦！由於食完半隻雞我哋已經飽飽哋，所以無叫太多火鍋配料。十全大寶丸入面每粒丸都係用人手打製，而且每粒丸入面都係有唔同嘅餡料，蟹粉、香煎鵝肝、黃金海膽、芝士同黑松露，全部都好新鮮，爽口同彈牙，食落去同出面嘅好唔同！生菜&金菇打邊爐點少得蔬菜同金菇，佢嗰啲生菜，好新鮮。金菇份量都幾多，食落口新鮮又夠爽口。總括然而，無論係雞煲抑或打邊爐嘅配料樣樣都好足料同大份，性價比高。唔錯！