友義氣‧酸菜魚

营业中

休息中

恆景商場啲餐廳出名好食，特別好食果幾間總會大排長龍，其中一間就係依間友義氣酸菜魚，一於試試佢喇😋未食前要讚下店員好友善，會好有笑容咁同我地打招呼同落車，感覺好有人情味！我地今次試左招牌2人份酸菜魚、黃金軟殼蟹同埋雞絲粉皮，真係唔係講笑，樣樣都好好食，贏出面餐廳幾條街！首先講下個酸菜魚先，我地點左bb辣，食落酸同埋辣好平均，味道剛剛好！而且份量好多，魚塊應該係新鮮魚片黎，好滑、好鮮而且好大片完整！超好味！！😋😋💕（我地食到最後仲要飲哂啲湯！勁癲）另外黃金軟殼蟹上枱果陣係剛炸好，咬落好脆但內裏又係好鮮嫩嘅軟殼蟹，好耐無食過又脆又薄炸粉嘅軟殼蟹了，而且食落有好香嘅咸蛋黃味，超正！十分推薦！！而雞絲粉皮味道亦在水準之中，粉皮條條分明，好新鮮，而且夾埋雞絲同埋胡麻沙律醬一齊食真係好開胃！🥰好耐未試過食一間餐廳係無中伏了，每道菜都感受到廚師嘅用心同埋對味道執著嘅匠人精神，依間餐廳值得比更多人認識☺️☺️正皮！！