Domon 居酒屋 (淘大商場3期) (已結業)

下午茶時段點左豬軟骨拉麵，追加左幾款小食：紫芋甘栗餅/唐揚雞/山葵手羽，飲品點左熱朱古力拿鐵首先上枱係熱朱古力拿鐵，完全飲唔出咖啡味，味道只係普通朱古力粉沖水🥱豬軟骨拉麵只係微暖，我未食過唔熱嘅拉麵，塊义燒同豬軟骨係凍嘅，嗰半隻溫泉蛋賣相好醜，湯底亦只係味精湯質素唐揚雞同山葵手羽喺同一個味，溫度亦係微暖～手羽完全食唔到山葵味道，分別只係手羽加咗啲稀釋咗嘅沙律醬唯一覺得好食就係紫芋甘栗餅服務方面亦令我難受，店員唔知係咪趕落場，當我朋友食完碗麵，一放底筷子～店員就衝上前問我哋仲要唔要？之後極速收晒D餐具，但當時仲有小食未食完，但我朋友嘅筷子已經被收，感覺莫名其妙