醉紅樓河鮮軒 (已結業)

上星期去完書展, 返合和中心攞車, 順便同大小二麥搵地方食飯, 佢地想食中菜, 於是去左六樓醉紅樓.
三個人點左一條蒸魚, 白灼蝦, 西芹炒桂花蚌, 啫啫唐生菜煲, 味道都算ok.
甜品送紅豆沙, 有d怪味, 食左一啖大家都放低.
侍應好唔得, 行黎行去扮忙, 嗌兩碗白飯等左好耐, 魚汁都凍晒.
最衰係個高高瘦瘦嘅男部長(定經理?), check單發現計多左碗白飯, 改完返黎黑口黑面, 講野又寸, 於是一蚊貼士都唔比.
好彩日頭買到唔少好書, 心情無比佢地影響到, 不過絕對唔會再幫襯.