影片
更多
2024-02-07
901 浏览
虽然入嚟大屿山行过好几次山，但上凤凰山印象中真喺差唔多廿年前嘅事，所以，趁住仲喺秋高气爽嘅日子，就同啲老友上番一转凤凰山，之后嘅重点就当然喺叹吓下午茶啦。返到嚟东涌，近近哋喺地铁站附近嘅「香港地」食下午茶。其实对「香港地」嘅印象真喺麻麻，晌我住嘅美孚区都有一间，食过一次之后都无再帮衬，因为老实讲，质素唔喺高好多，但定价就相对贵一截，加上啲服务确喺麻麻，今次再嚟感觉都喺一般般。下午茶餐底面两页纸睇晒，一般嚟讲都40蚊起跳，虽然佢啲炒粉面只喺卖50，但餐牌已标示住「轻型」两个字，就知晌份量上会喺将货就价。珍宝肠热狗配薯条 $46后悔无跟朋友叫呢个珍宝热狗餐，因为唔单止热狗大大份，面头仲加咗肉酱同芝士，烤焗过之后非常吸引，朋友话食落非常之惹味，又香口。就喺因为之前见餐牌只写珍宝肠热狗，所以先无拣，如果佢有讲埋芝士肉酱嘅话，相信我喺会改食呢一款。干炒牛河 $50老婆唔喺身边，咁就当然拣啲唔健康嘅下午茶餐，干牛河就最合我心意。睇落色泽似乎偏淡色少少，份量亦比较少，牛肉亦都少，幸好嘅喺味道唔差，炒得有啲镬气，但食几炷就食完，有啲唔够喉嘅感觉，哈哈！星州炒米 $50老友就话，明明点嘅喺星米（餐牌亦只
其实对「香港地」嘅印象真喺麻麻，晌我住嘅美孚区都有一间，食过一次之后都无再帮衬，因为老实讲，质素唔喺高好多，但定价就相对贵一截，加上啲服务确喺麻麻，今次再嚟感觉都喺一般般。
下午茶餐底面两页纸睇晒，一般嚟讲都40蚊起跳，虽然佢啲炒粉面只喺卖50，但餐牌已标示住「轻型」两个字，就知晌份量上会喺将货就价。
珍宝肠热狗配薯条 $46后悔无跟朋友叫呢个珍宝热狗餐，因为唔单止热狗大大份，面头仲加咗肉酱同芝士，烤焗过之后非常吸引，朋友话食落非常之惹味，又香口。就喺因为之前见餐牌只写珍宝肠热狗，所以先无拣，如果佢有讲埋芝士肉酱嘅话，相信我喺会改食呢一款。
干炒牛河 $50老婆唔喺身边，咁就当然拣啲唔健康嘅下午茶餐，干牛河就最合我心意。睇落色泽似乎偏淡色少少，份量亦比较少，牛肉亦都少，幸好嘅喺味道唔差，炒得有啲镬气，但食几炷就食完，有啲唔够喉嘅感觉，哈哈！
星州炒米 $50老友就话，明明点嘅喺星米（餐牌亦只有星米），但睇落都喺似厦门炒米，呈橙红色，唔喺星州炒米嘅鲜黄色，味道都似啦，酸酸甜甜，完全无星米𠮶种咖喱味、黄姜味，不过，当喺食厦门炒米，味道OK嘅。
猪扒肉碎番茄汤米线 $50另一位老友所嗌嘅米线，睇落就真喺比较对办㗎，虽然佢话过蕃茄汤底未算超浓郁，但起码味道上都酸酸咪，食落好醒胃，而米线嘅份量亦唔少，见猪扒炸得甘香松化，如果多啲肉碎佢就话更加好。
热奶茶个人而言，味道好一般，唔叫得伏，只喺茶底未够香，花奶亦稍嫌偏多，未喺百份百夹自己口味。
综合我哋4个人嘅茶餐，拉匀嚟计，水准属于中间位，但定价方面，相比同区其他茶记，就肯定高咗 一截仔，所以，性价比个人感觉就偏低少少。
张贴
