肚餓了串燒烤焗專門店 (已結業)

尖沙咀一向好多好野食，呢日收工同同事心思思想食串燒，經過一間商業大廈就決定入去睇下。一行入去已經見到座無虛席，我地都等左一陣先有枱。座位係高枱。牆上有唔少酒樽作裝飾。黃金薯條，容器好有特色，呢個薯條係用左蛋黃去炸，食落去咸咸地，但又有蛋既甜味，好值得一試。棉花糖燒多士，粒粒棉花糖都燒得岩岩好，上面朱古力醬，下面多士烤得好脆好香口，P蜜糖燒雞翼，上面既蜜糖多到反光呀，每一啖咬落去都食到蜜糖香味。燒烤又點少得燒茄子呢？茄子非常大條，上面落好多蒜同堆蔥好足料，茄子既香味伴隨一大堆蒜蔥，真係好好食。海鮮方面，我地叫左蒜蓉扇貝同埋海蝦。可以見到佢地既表面真係好多蒜蓉，特別扇貝，除左保持左鮮味外，同蒜蓉加埋真係好夾。海蝦好大一隻，蝦殻好易剝，咬落去有汁，好食！雞肉串，唔係溝左麵粉，食到啖啖雞肉，加埋孜然粉，一流！豬仔骨，個人覺得呢個幾抵食，如果串燒唔想再食雞/牛既你，不妨試下呢個豬仔骨，肉質好鮮嫩架，同埋都好大一份。另外值得一讚係店員服務態度，有求必應，真係辛苦哂。