影片
更多
2018-07-25
71 浏览
食雞煲、打邊爐一向都係同一大班朋友聚會嘅首選活動，今次一行五人就揀咗銅鑼灣米走雞，一早book咗枱7:30，就唔怕無位要排隊啦～(￣▽￣)一坐低落完單，店員就會放低六格嘅調味料，貼心嘅安排令我地可以好懶咁喺自己位搞掂哂啦～首先當然揀咗個鍋：火焰麻辣雞煲（BB辣）$228唔太食得辣嘅我地BB辣就啱啱好，可以過過癮～ 米走雞啲雞亦係我食過最大塊的，絕對唔會係皮包骨！其中一樣Gimmick就係「火焰」喇，當雞煲上菜再冒煙嘅時候，唔好咁急開始食，店員會主動幫我地兜一兜，最後仲有「著火」添！食完第一round雞煲當然會叫配菜打邊爐啦，第一樣必點就係特級雪花肥牛（$158) 可以睇得出佢嘅脂肪分佈好平均，所以每一塊都好好食～本來以為我地五個人叫太多，可能太餓又好好味，竟然全部食哂！除咗牛肉，我個人推介墨魚滑，好特別餐廳會用用竹笙包住，咁就又方便又更爽口啦～ 另一樣好滿意嘅，就係銀菊露，最後我地飲咗兩壺，清甜健康，解辣一流！
一坐低落完單，店員就會放低六格嘅調味料，貼心嘅安排令我地可以好懶咁喺自己位搞掂哂啦～
首先當然揀咗個鍋：火焰麻辣雞煲（BB辣）$228
唔太食得辣嘅我地BB辣就啱啱好，可以過過癮～ 米走雞啲雞亦係我食過最大塊的，絕對唔會係皮包骨！
其中一樣Gimmick就係「火焰」喇，當雞煲上菜再冒煙嘅時候，唔好咁急開始食，店員會主動幫我地兜一兜，最後仲有「著火」添！
食完第一round雞煲當然會叫配菜打邊爐啦，第一樣必點就係特級雪花肥牛（$158) 可以睇得出佢嘅脂肪分佈好平均，所以每一塊都好好食～
本來以為我地五個人叫太多，可能太餓又好好味，竟然全部食哂！
除咗牛肉，我個人推介墨魚滑，好特別餐廳會用用竹笙包住，咁就又方便又更爽口啦～ 另一樣好滿意嘅，就係銀菊露，最後我地飲咗兩壺，清甜健康，解辣一流！
张贴
