深燒烤魚 (已結業)

本身個人鍾意食燒烤 行過經過見有檔野食燒烤入去試下 叫左燒蠔 燒茄子 燒雞脾菇 燒一字骨雞翼 同埋有個叫做雞肉軟骨 再叫多支啤酒其實食燒烤一定要叫啤酒發覺依間既燒烤唔錯 食落覺得個廚好有心機 燒蠔加上蒜蓉真係好好味 蠔又夠肥美同埋鮮甜 燒茄子原條大大條 最令我意外既係果串雞肉軟骨 口感好特別 唔同雞軟骨 再加上燒汁 真係送酒一流 一字骨雞翼真係睇到廚師手工一流 好有心機 自問小弟好鍾意食雞翼 唔似食普通雞翼咁麻煩 同埋間舖唔只有燒烤食 仲有雞煲同烤魚 老板又好人 都一邊食一邊吹水 下次同啲朋友再黎試下個雞煲同埋烤魚