雅高·33

小弟今日第一次食，價錢以西餐下午茶黎講正常，叫左卡邦尼意粉同西班牙風情薄餅。

先講卡邦尼。賣相正常，欠點綴。碟邊乾淨。因為自己做過意大利cafe，對意式食品有一定程度認識。個意粉完全冇失望之餘，仲有驚喜。食材次序冇錯，重點係 有 蛋 黃！係，卡邦尼最重要既最後一個步驟係落蛋黃再兜均，佢有其他餐廳忽略左既呢個步驟，大大加分。味道亦都同正統卡邦呢接近，只係油量略多，但無傷大雅。

然後到薄餅。我非常滿意。烘焙度足夠，啡色脆邊。材料配搭好，三色椒，辣肉腸，黑橄欖，洋蔥碎，水牛芝士...絕對會再食多次！批底夠薄，唔會有太重麵粉味，火力控制得好，芝士材料烤至完美同時無烤焦，推薦！

飲品正常。無特別。

整體感覺好好，一定會再食，第一次食就咁好食。