小茶角 (Wetland Seasons Bay)

营业中

休息中

一開頭企咗喺門口等咗差唔多5分鐘都無人帶位，前前後後有兩三個店員望到都無理我哋，直到我哋等到忍唔住想走先有人嚟以為食物質素應該會唔錯，點知個小食洋蔥圈，$38得幾嚿直徑2cm嘅BB版洋蔥圈；卡邦尼意粉$68，料就好足，啲煙肉大片到好似無切過咁，加上未收汁、味好淡，完全似食緊海量煙肉加白烚意粉；吉列豬扒牛角包，個吉列豬扒味好奇怪，加上好乾身，芝士又少，真係好難食，連佢個+$5嘅伴碟薯角都係未炸脆就上碟，唔知點解明明人唔多，店員用咗差唔多半個鐘都可以煮成咁飲品方面我哋嗌咗杯黑糖珍珠鮮奶同一杯檸檬冬瓜茶，兩杯都要求少冰，但冬瓜茶嗰杯啲冰係有成杯咁多，完全無少到，而黑糖珍珠鮮奶就不過不失，係掛杯嘅黑糖太少。