極鮨 (已結業)

銅鑼灣新開嘅Omakase，價錢合理，而且地點方便，環境又有feel，重點係全部店員及師父都好nice，絕對可以encore再encore👍🏻.✨極 . 壽司盛合十貫（$328）.🔸餐前沙律、漬物小食及茶碗蒸沙律加咗醋，好食又開胃，醃漬牛蒡入味又爽脆，蒸蛋勁多配料又嫩滑，有蟹柳絲、竹輪、肉及不同配料，簡單又好食。🔸真鯛壽司肥美嘅真鯛，淡淡嘅魚香，加上芽蔥及辣蘿蔔蓉，作為第一客壽司非常清新。🔸蓮子鯛壽司蓮子鯛相對口感爽實，魚香亦較清淡，加上萬能蔥、昆布及小菊花瓣，提升口感層次及香氣。🔸平靜魚壽司平靜魚用咗芝麻及柚子胡椒汁調味，肥郁嘅肉質帶有微微柚子香。🔸伊佐木壽司火炙過後魚香更突出，加上少少魚油焦香，魚肉鮮甜又好食。🔸金目鯛壽司金目鯛亦有火炙過，加上三星醬 （瓜類做成），彈牙又甜美，金目鯛魚香配埋個三星醬好夾。🔸赤身壽司赤身雖然油份不吸拖羅，但新鮮嘅肉質口感爽嫩亦唔會好粉，加京蔥粒後，口感及清新度更好。🔸松葉蟹肉蟹膏麵豉軍艦份量超滿足嘅蟹肉加埋蟹膏，蟹味濃郁芳香，有超越咗軍艦成為航空母艦嘅滿足😆🔸大拖羅壽司大拖羅加上爽口嘅山葵莖wasabi漬，不但加強咗肥美拖羅口感嘅層次，亦減低咗油膩感