冰室99 (已結業)

經過北角見有間冰室叫冰室99，地方幾大，仲有户外茶座幾舒服，就入去試下。Order咗鐵板特級T骨牛扒配燒汁意粉餐。先來個羅宋湯配上牛油多士，羅宋湯好多蔬菜喺入面好足料，牛油多士亦都好香脆。主角鐵板T骨牛扒就好大塊，因為T骨嘅關係所以比較有嚼勁但少根少肥而且牛味好出，加埋我喜愛嘅薯角完全食到停唔到口。飲品叫咗特濃朱古力奶食同埋熱鮮奶。特濃朱古力奶昔好creamy而且鋪滿濃濃嘅朱古力taste我好鍾意。熱鮮奶就好暖胃。甜品亦都有雪糕提供，呢餐絕對係懷舊嘅回憶味道。