漁舍酸菜魚 (已結業)

今日同朋友搵食搵到黎北角，見到有間叫漁舍酸菜魚啲野食睇落既吸引，加上價錢唔太貴，於是我地入去食啦！😊😊坐低見到好多人叫水煮牛肉🐂，我地於是都叫左份！果然無叫錯！牛肉煮得好入味，辣味好濃郁，咬落去牛肉亦非常煙韌彈牙，非常好食！🥰椰香BB鴿🕊：亦係我同朋友既美味推介！乳鴿炸得好香，咬落去外皮脆卜卜，而肉質亦好嫩滑多汁，好好味呀！🤤川味辣子雞🐓：亦同樣好食！雞肉嫩滑多汁不在話下，而且非常入味，完全夠晒辣！🤩🤩最後我地食埋呢度招牌菜—招牌酸菜魚🐠亦果然係招牌菜！酸麻得過癮，鹹香開胃，令人食指大動！而咬落去魚肉啖啖鮮甜，啖啖嫩滑，我我朋友仲飲晒啲湯！😝