一開始嘅茶碗蒸已經不得了，蒸蛋非常滑溜，加咗白飯魚同海苔，鮮味即刻提升，暖胃又開胃。
刺身環節，師傅先上伊佐本白身魚，肉質爽口清甜；跟住係炭燒鰆魚，外皮燒到微脆，魚油香爆棚，入口即化！
紫菜包燒帶子超大粒，外層微微焦香厚肉肥美。冬季限定嘅鱈魚白子配酸汁，口感似濃郁版豆腐，一啲腥味都冇，只有滿口 creamy！
壽司部分同樣精彩：深海池魚爽甜、赤貝脆身、青森甜蝦用醬油漬過，鮮味更突出。
特別欣賞炭燒銀鱈魚，油香豐腴，入口即化，真係食到唔捨得吞！
壓軸有三文魚籽海膽杯，海膽嘅甜同三文魚籽嘅鹹鮮在口中爆發，超幸福！碎蔥吞拿魚腩手卷油脂甘香，加上蔥花清新解膩。
最後飲碗熱辣辣魚湯，再食埋濃郁嘅開心果雪糕，師傅手勢好，節奏流暢，絕對值得再encore！
