卡莎338 (已結業)

長沙灣地鐵站A2出口，直行過五個街口，約6分鐘到，交通都算好方便。呢度啲嘢食好抵食，唔使就住就住係咁嗌。裝修都好骨子，兩個人叫咗好多野。首先就叫咗個 5款蠔set $118 就可以試到4種法國生蠔同一種韓國生蠔。啲蠔好新鮮，嚟到一定要試。虎蝦忌廉野菌墨魚汁意粉，兩隻蝦非常之大隻，仲要加左蒜蓉去煎香，忌廉味唔會蓋過香濃嘅墨魚汁味。黑松露醬薯條，好大條香脆嘅薯條，配稀身忌廉黑松露醬十分合拍。帕爾馬火腿沙律，分量非常之大，絕對足夠兩個人食，最特別係配搭左兩種沙律醬，分別係黑松露醬汁，同埋切左啲幼細小黃瓜嘅沙律醬。鍾意揀乜嘢醬汁都得。最後試左個朱古力心太軟拼雪糕，周圍今晚呢一餐畫上左完美嘅句號。邊個性價比真係好高，交通又方便，經過長沙灣站嘅話絕對值得來一試。