班戟館 (已結業)

呢排成日都係instagram見到一個好靚嘅souffle pancake, 雖然係遲咗少少，但係今日終於嚟到呢度朝聖。屯門其實都真係幾遠，但係我覺得呢個班戟值得我入嚟。呢個只係逢星期五先會有嘅巨人班戟，有幾款唔同口味，例如雜莓、士多啤梨等，但我哋揀咗楓糖味。每一層梳乎里班戟都好軟好彈，裡面濕潤綿滑，出面就有啲似蛋糕嘅口感，好特別。我就鍾意佢嘅雞蛋味好重，將楓糖漿林喺面，份外甜美。仲要配埋blue Berry cheese cake ice cream, 酸酸甜甜凍冰冰，真係好好食！