番茄師兄

营业中

休息中

絕對係全港最好食嘅番茄麵！半年前已經跟朋友嚟過呢間蕃茄師兄，當時第一次食已經覺得好正！前兩日去開鴨寮街買電話卡，梗係要嚟返兜下啦！餐廳格局同半年前冇咩點變，係見佢小食好似多咗幾款可以揀。我哋最後揀咗沙嗲牛柏葉，麻香瑞士汁牛筋肉碎，炸魚片頭同炸腐皮墨魚蝦條, 雖然唔係呢度嘅主打，但係全部都整得極有水準，特別係個牛柏葉，超級爽同有咬口，沙嗲汁仲要整得好好味！不得不讚!至於依度嘅重點推介就梗係食犇犇有禮喇！可以同時間食到三款唔同牛嘅部位，配埋佢哋嘅招牌濃郁番茄湯，簡直係無得輸！因為食過一次有經驗，發覺佢嘅蕃茄湯底加粟米係最好食，大家如果第一次去都可以試吓！仲有記住試埋佢哋嘅麻之一滴，加落番茄湯入面，別有一番風味！以依個價錢，食到咁有水準嘅蕃茄面，絕對係值回票價！大家不得不試！